Ministériu Transportes no Komunikasaun sei instala internet iha postu UPF sira aréa remotas
RAEOA, 20 Abríl 2026 – Ministru Transportes no Komunikasaun, Eng. Miguel Marques Gonçalves Manetelu, deklara sei instala internet iha postu Unidade Patrullamentu Fronteira sira ne’ebé remotas.
“Postu UPF ne’ebé iha area fronteira ne’ebe fiu fibra otika laliu sei instala starlink iha ne’eba hodi fasilita servisu membru UPF sira iha fronteira ne’ebé remotas, tanba iha informasaun ministériu interior sei monta CCTV, hodi nune’e bele hare movimentu ema no sasan tama sai iha fronteira”dehan Ministru Manetelu.
Ministru Manetelu mós informa ona ba Ministru Interior atu monta solar sell iha postu UPF ne’ebé maka seida’uk asesu liña eletresidade. Ho nune’e bele fasilita membru UPF liuhosi servisu integradu iha fronteira entre Timor-Leste ho Indonézia.
