Ministério dos Transportes e Comunicações

Dili, 30 Dezembru 2025 – Ministériu Transportes no Komunikasaun, halo despedida ho funsionáriu ne'ebé tama ona reforma nain 22 kompostu husi feto nain rua (2) no mane nain rua nulu (20), serimónia despedida ne'e halao iha salaun enkontru MTK Kaikoli Dili.

Funsionáriu hirak ne’e dedika sira nia an hodi servisu iha Ministériu Transportes no Komunikasaun durante tinan barak nia laran, funsionáriu sira ne’e halao servisu iha administrasaun direta, DNTT, no DNTM. 

Ho espresaun Ministru Manetelu hamonu matawen hodi agradese ba funsionáriu hirak ne’e tanba kontribui ona ba iha dezenvolvimentu nasional iha area transportes.

“Lori Ministériu nia naran hakarak agradese ba maun no mana sira, ho imi nia kontribuisaun iha diresaun ne’ebé imi hakna’ar an bele la’o ho di’ak, hanesan timor-oan iha ne’ebé deit ho idade oinsa ba mós, katua, ferik, klosan no labaraik ita kontinua kontribui dezenvolve ita nia rai tuir buat ne’ebé ita bele halo iha tempu reforma, lori ministériu nia naran hakarak hato’o apresiasaun ba imi nia kontribuisaun hotu, imi nia oan no beioan sira sente orgullu tanba imi bele kontribui ho imi nia idade reforma ona, sertifikadu apresisaun ne’ebé mak imi simu hanesan rekoñesimentu ida husi governu fó ba imi nia kontribuisaun durante dedika an nu'udar funsionáriu públiku. Ikus liu lori ministériu nia naran lori mos hau nia naran pesoal hau hakarak husu deskulpa ba, ha’u tenki rekoñese katak iha tinan rua nia laran mai asumi kargu hanesan ministru iha ha’u nia liafuan barak ne’ebé lolos ha’u labele hasai ba imi sira ne’ebé idade boot liu ha’u. ida ne’e laos ba imi maibé imi rona ha’u nia liafuan kroat balu tanba nemak ha’u tenki husu deskulpa, ha’u husu imi labele tau liafuan sira ne’e tau iha imi nia laran tanba ha’u hatene liafuan sira ne’ebé ha’u ko’alia ba imi ema mós sei ko’alia mai ha’u, nu’udar umanu tenki rekoñese katak buat hotu ne’be ita ko’alia balu laos buat hotu-hotu ne’e diak, ba imi nain  22 ha’u nia deskulpa ba imi. hanesan pesoal hanesan ministru no dirijente ministériu nia ami hato’’o deskulpa barak ba buat hotu ne’ebé la konsege halo ba imi durante imi servisu tinan barak nia laran” tenik Ministru Manetelu ho matawen.

Funsionáriu hirak ne’e hahú loron loron 5 Janeiru 2026 sei la ativa ona servisu iha Ministériu Transportes no Komunikasaun, Ministru Manetelu mós orienta ona dirijente sira atu buka funsionáriu permanente balu atu priense fatin mamuk ne’ebé mak mamuk hafoin funsionáriu reformadu nain ruan ulu resin rua husik hela sira nia fatin.

Dili, 30 Dezembru 2025 – Atu taka tinan tuan 2025 ba tinan foun 2026 Ministru Transportes no Komunikasaun, Eng. Miguel Marques Gonçalves Manetelu Segunda ohin halo avaliasaun dezempeñu servisu ba administrasaun direta no indireta. 

Administrasaun Direta kompostu husi DNTT, DNTM,DNMO, DNSP, DNIC, DNAC, DNRH,DNA, DNOGF, GPPC, GIGTC, DGAF, DGTC no DNMG.no Administrasaun indireta kompostu husi APORTIL, TIC TIMOR, ANATL-EP, AACTL, no ANC.IP

Iha avalisaun ne’e administrasaun direta no indereta sira halo aprezentasaun ba sira nia progresu servisu durante tinan 2025.

Materia avaliasaun ba tinan ne’e kompostu husi mapa pesoál, dotasaun orsamentu alokadu kada kategória, impaktu programa no atividade tinan 2025, metas atinjidus, impaktu ba programa governu konstitusionál da sia, rezultadu ezekusaun orsamentu tinan 2025, konstranjimentu (problema) rekomendasaun no solusaun ba futuru, divida no planu asaun anuál 2026.

Díli, 29 Dezembru 2025 – Ministru Transportes no Komunikasaun, Eng. Miguel marques Gonçalves Manetelu Segunda ne’e akompaña husi Prezidente ANATL-EP, Romualdo António Soares da Silva sai sasin ba iha serimónia ofisializa fasilidades automatic parking system, departure terminal no cargo mortuary iha Aeroportu Internasional Nicolau Lobato Comoro ba públiku.

Obra refere hetan bensaun husi amu lulik, Pe. Mariano Maia SDB. Obra konstrusaun ba automatic parking system, departure terminal no cargo mortuary responsabiliza husi DIVITA, REINA JUNIOR no PHEMITAL. Fasilidade hirak ne’e loke ona ba públiku.

fasilidades hirak ne’e nu’udar projetu pakote ida ne’ebé kobre hotu ba fasilidades atendimentu públiku mak hanesan, Automatic Parking System Portal Saída, Departure Terminal, Terminal Pasajeirus, no Cargo Mortuary, fatin ba tau mate isin sira baihira transporta husi fatin seluk mai Díli, liu husi Aeroportu Prezidente Nicolau Lobato Comoro.

Fasilidades hirak ne’e sei loke ba públiku iha loron 01 de Janeiro 2026,  hodi halo atendimentu ba públiku, atu bele pasajeirus ne’ebé sai bele liu husi departure normal nian, nomós ba terseiru pakote ida ne’ebé hetan bensaun ikus liu ne’e ba cago mortuary, hanesan ita hotu hatene katak durante ne’e, tinan hira nia laran ona, ita nia maluk sira mate mai sempre liu husi fatin ne’ebé la adekuadu nomós kria entendimentu, kria safety and secuirity iha aeroportu laran, ho ida ne’e, ANATL ho inisiatíva lori halo uma ida ne’e para mate isin sira ne’e mai bele mai karik liu ho dignu,atende ho dignu atu nune’e bele fasilita mate isin sira ultrapsa ho diak liu tan”

“pakote tolu (3) ne’e orsamentu lahanesan, Automatic Parking System aserka de doze mill hanesan ne’e, ho ida kobre ho terminal kuaze vinte e mill to’o um milliaun e tál, pakote hirak ne’e mai ho orsamentu lahanesan, pakote orsamentu ida ba cargo ne’e ANATL nia osan, nomós parking sytem ANATL nia osan, maibe ba rehabilitasaun terminal ne’e rasik, orsamentu mai husi KAFI”