Ministru Manetelu halo vizita ba iha Embaixada Timor-Leste iha Japaun
Japaun, 19 Fevereiru 2026 – Ministru Transportes no Komunikasaun, Eng. Miguel Marques Manetelu, ho delegasaun kompostu hosi, Xefe Gabinete José da Costa, Diretór Jerál Transportes no Komunikasaun, Constantino Ferreira Soares, Prezidente ANATL-EP, no Romualdo António Soares da Silva halo vizita kortézia ba iha embaixada Timor-Leste iha Tókio Japaun.
Iha vizita ne’e simu direta hosi Embaixadora Maria Terezinha da Silva Viegas, Konselleiru Embaixada Timor- Leste, Celio Moniz no Téknika Finansas Embaixada Timor-Leste, Faviola Henriques da Cruz.
Ministru ho delegasaun halo vizita ba iha Embaixada Timor-Leste iha ambitu serimónia asina kontratu ho empreza Toa Corporation kona-ba rehabilitasaun terminál pasajeiru foun Aeroportu Internasional Prezidente Nicolau Lobato Comoro Dili.
Ministru Manetelu agradese ba embaixadora, Maria Terezinha da Silva Viegas, bele simu delegasaun hosi Ministériu Transportes no Komunikasaun ho di’ak.
Ministru Manetelu husu ba diplomata Timor-oan iha Japaun atu kontinua hametin parséria ne’ebé metin ho governu japaun.
Iha sorin seluk embaixadora, Maria Terezinha da Silva Viegas informa ba Ministru katak durante ne’e embaixada halao kooperasaun di’ak ho governu Japaun.
