MTK ho KSTL Buka Solusaun Ba Reklamasaun Kona-Ba Prosesu Retirasaun Funsionariu Públiku Ne'ebé Oras Ne’e Dadaun Servisu Hela Iha ANATL,E.P.
Dili, 03 Fevereiru 2026 – Diretór Jerál Administrasaun no Finansas, Aniceto Leto Soro akompaña hosi Diretora nasional rekursu umanus, xefe avaliasaun dezempeñu, promosaun no progresaun, asesór administrasaun finansas no transportes maritima gabineti DGAF. no Finansas MTK halao enkontru ho Prezidente KSTL Almerio Villa Nova tersa ne'e iha sala enkontru DNMG Kaikoli DIli.
Objetivu husi reuniaun ne'e hodi buka solusaun ba reklamasaun kona-ba prosesu retirasaun funsionariu públik ne'ebé oras ne'e dadaun servisu hela iha ANATL,E.P.
Retirasaun funsionáriu públiku husi ANATL,E.P mai Ministériu Transportes no Komunikasaun ba da-huluk iha 25 Outubru 2024 totál funsionárius hamutuk nain 24, enkuantu iha tinan 2026 nia laran sei halo tan retirasaun ba da-ruak hó totál funsionárius ema nain 65 (feto = 9,mane 56) razaun retirasaun ne'e bazeia ba lisensa sem vensimentu (LSV) iha limitasaun tempu bazeia ba Lei n.º 5/2009 de 15 de Jullu alterasaun ba dauluk ba Lei n.º 8/2004, de 16 de Juñu (Aprova o Estatuto da Função Pública) artigu 54° versiklu (1) Funsionáriu permanente ho servisu pelumenus tinan tolu bele hetan lisensa lahó saláriu to’o tinan rua, hosi diresaun servisu respetivu, renovável ba tinan ida, tuir termu sira ne'ebé sei regula hosi Governu.
Funsionáriu públiku hirak ne'e hahú sira nia lisensa sem vensimentu iha fulan Novembru tinan 2017 (Novembru 2026 halo tinan 9) viola ona artigu 54° hó razaun ANATL,E.P.
MTK fó opsaun ba sira fila sai funsionárius públikus ou rezignaan husi funsionárius públikus.
Iha reuniaun ne'e konfederasaun sindikatu Timor-Leste (KSTL) lori funsionáriu públiku sira nian aspirasaun hodi buka dalan molok foti disizaun.
Bazeia ba karta DGAF (ba ANATL,E.P. data 30 Jullu 2025, officio No. 211/MTC-DGAF/VII/2025 hó assuntu Pedido de retireda dos funcionários permanentes MTK, lisensa laiha saláriu, ne’ebé servisu iha ANATL, E.P.) wainhira termina lisensa sem vensimentu (LSV) mak fila (1 Novembru 2026).
Konfederasaun sindikatu Timor-Leste (KSTL) sei halo kordenasaun no diskusaun hó
parte ANATL,E.P. konaba assuntu refere bazeia ba Lei traballador numeru 4/2012.
