Grúpu traballu interministérial hahú halo kordenasaun servisu téknika ne’ebé foka ba konsolidasaun ciber-seguransa
Dili, 09 Fevereiru 2026 – Ministru Transportes no Komunikasaun, Eng. Miguel Marques Gonçalves Manetelu, segunda ohin partisipa reuniaun Koordenasaun Téknika ,Grupu Traballu Interministerial ba Ciber Siguransa (GTICS), ne’ebé hala’o iha sala enkontru Prezidénsia Konsellu Ministrus, Palásiu Governu, Díli.
Reuniaun ne’e ho Objetivu prinsipál halo koordenasaun, tuir orientasaun polítika IX Governu Konstitusionál nian, relasiona ho inplementasaun polítika nasionál atu fó briefing tékniku ne’ebé foka ba konsolidasaun Ciber-Seguransa hodi promove polítika nasionál seguransa hodi dezenvolve “Gap Analysis” iha âmbitu cibernétiku.
Reuniau ne’e prezide husi, Ministru Prezidénsia Konsellu Ministrus Agio Pereira, reuniaiun ne’e, atu fahe prespetiva hosi membru Grupu Traballu Tékniku sira, hodi identifika lakuna sira hosi instituisaun sira no define prioridade sira, hodi dezenvolve estratéjia nasionál integrada Ciber-Seguransa tuir planu Governu nian.
Membru Grupu Traballu Interministerial ba Ciber-Seguransa maka hanesan, Ministériu Transporte no Komunikasaun (MTK), Ministériu Justisa, Servisu Nasionál Intelijensia Estratéjika (SNIE), TIC TIMOR I.P., Autoridade Nasionál Komunkasaun (ANC), Polísia Sienstífika Investigasaun Kriminal (PSIK), no Banku Central Timor-Leste (BCTL)
