Governu Indía Hakarak Estabelese Sentru Eselénsia ba Informasaun Teknólojia no Lian Inglés iha Timor-Leste
Dili, 30 Maiu 2025 - Ministru Transporte no Komunikasaun Eng. Miguel Marques Gonçalves Manetelu. , simu vizita kortezia husi Embaixadór Repúblika Indía nia iha Timor -Leste Madar Kumar Ghildiyal iha ninia knar fatin Kaikoli Díli.
Iha vizita refere Embaixadór Madar aprezenta proposta Governu Indía atu estabelese Sentru Eselénsia ba Informasaun Teknolojia (CEIT) no Lian Inglés iha Timor-Leste.
Hafoin rona tiha inisiativa husi Governu Indía liuhosi nia Embaixada iha Timor-Leste, Ministru Manetelu agradese ba proposta refere, aprezenta mós planu asaun sira no tuir kedas ho implementasaun proposta refere. Aleinde nemos diskuti proposta refere, Embaixadór Madar aprezenta disponibilidade Governu India, atu tulun fó formasaun ba Timor oan na’in 6 ne’ebé mak sei tau matan ba CEIT wainhira diskusaun ba estabelesimentu CEIT finalizadu ona.
Aprezenta mós Governu Indía nia interesse atu apoiu Governu Timor-Leste iha ID Úniku no Early Warning System (EWS)
Iha inkontru ida ne’e, Ministru Manetelu hetan akompañamentu husi Xefe Gabinete Jose da Costa, no Assessor Tékniku João Olívio Freitas.
