PMC Atualiza Preparasaun Atu Halo Realokasaun ba Edifisiu sira iha Aeroportu Internasional Prezidente Nicolau Lobato
Dili, 02 Juñu 2025 - Reuniaun kordenasaun PMC,no ANATL atualiza ba Ministru Transporte no Komunikasaun Eng. Miguel Marques Gonçalves Manetelu kona-ba preparasaun atu halo realokasaun edifisiu sira iha Aeroportu Internasional Nicolau Lobato.
Antes hahú projetu dezenvolvimentu no expansaun Aeroportu Internasional Nicolau Lobato ekipa PMC halo identifiaksaun ba edifisiu sira iha aeroportu ne’ebé mak sei muda sai, no sei konstrui edifisiu temporariu balu iha aeroportu. Hafoin realokasaun edifisiu sira iha aeroportu mak sei hahú konstrusaun.
Edifisiu sira ne’ebé sei realoka mak hanesan edifisiu quarantina, office complex, alfandega, imigrasun, warehouse, ANATL, pertamina, ETO, WESTSTAR, Power house and maintenance building no seluk tan.
Aleinde nemos iha edifisiu balu ne’ebé labele muda lai mak ATC Tower, PTB, no edifisiu V-VIP.
Prioridade haat ne’ebé mak iha programa PMC maka realokasaun power house, no acces road, temporary building and facility, no utility acces.
Ministru Manetelu iha nia intervensaun husu ba PMC atu aselera lalais ho nune’e bele hahú ona proetu konstrusaun dezenvolvimentu no espansaun aeroportu internasional Prezidente Nicolau Lobato Comoro Dili.
