Ministru Manetelu husu Dirijente sira iha Ministériu Kontrola Ezekusaun Orsamentu ho Kuidadu
Dili, 02 Juñu 2025 – Ministériu Transporte no Komunikasaun realiza serimónia isár bandeira semana da-huluk fulan juñu tinan 2025.
Perante, Aseór nasionál, Internasionál, Xefe Gabinete sira, Diretór Nasionál, Kargu Xefia sira husi administrasaun direta no indireta no funsionáriu sira, Ministru Transporte no Komunikasaun Eng. Miguel Marques Gonçalves Manetelu, husu ba dirijente sira atu halo kontrolu ba ezekusaun OJE 2025.
“Fulan rua tolu tan ita ba komité revizaun orsamentu, ezekusaun mak sai sasukat ba ita atu husu orsamentu 2026, tanba ne’e disiplina iha ezekusaun husu mós ba administrasaun indireta sira hanesan dehan tiha ona ha’u ladun hetan informasaun kona-ba ezekusaun, ha’u espera ho orsamentu oituan ne’ebé imi iha ezekuta ho disiplina. La’os tanba hau dehan persentazen tenki sae ne’ebé imi hasae, depois la hare ba mekanizmu, prosedimentu tuir regras ne’ebé vigora, ikus mai buat kiik sira hanesan nemak sai tiha problema” dehan Ministru Manetelu iha serimónia isár bandeira iha rezintu edifisiu Ministériu Transporte no Komunikasaun Kaikoli Dili.
Serimónia isár bandeira ba fulan ne’e responsabél husi TIC TIMOR IP.
