Prezidente Repúblika José Ramos-Horta Lansa Arte iha AR Livre no Murál Oseanu
Dili, 03 Juñu 2025 – Xefe Estadu José Ramos-Horta lansa Arte iha Ar Livre no Murál Oseanu iha resintu Palásiu Governu.
iha lansamentu ne'e partisipa husi Ministru Transporte no Komunikasaun Eng. Miguel Marques Gonçalves Manetelu no membru governu balu, korpo diplomatiku no entidade relevante sira.
iha lansamentu ne’e Xefe estadu halo apelu bá estudante, joven sira, funsionáriu Estadu no populasaun tomak atu labele so’e lixu arbiru tanba bele estraga Tasi Timor ho nia biodiversidade tomak.
Lansamentu Galéria Arte Nakloke ne’e hanesan mós programa ida bá komemorasaun Loron Mundiál Oseanu 2025 ho Tema: ‘Furak Tebes Tane As Buat ne’ebé Tane Ita’ nu’udár tema globál ne’ebé fó-hanoin katak, nasaun hotu-hotu halo parte iha buat ida ne'ebé boot-liu no apelu ida bá Governu hotu-hotu atu labele haluha Maravilla tasi nian.
Meius hotu-hotu ne’ebé Estadu ho Governu inisia, hola parte iha edukasaun sívika atu bolu atensaun no konsiensializa joven sira, estudante no futuru nasaun ne‘e nian atu hadomi rai ne‘e, liu-hosi la so‘e lixu arbiru.
Prezidente José Ramos-Horta husu ba komunidade atu labele soe foer ba mota bainhira udan monu rai foer sira ne’e sei ba tasi no sei estraga biodiversidade iha tasi okos.
