Ministru Manetelu Husu Ba Funsionáriu No Direjente Ida-Idak Sira Atu Halo Auto Avalisaun Ba Servisu Iha Tinan 2025
Dili, 01 Dezembru 2025 – Ministériu Transportes no Komunikasaun, realiza Isár Bandeira Nasional semana da-huluk fulan ikus tinan 2025 iha resintu edifisiu MTK Kaikoli Dili.
Isár Bandeira Nasional fulan ne’e responsabiliza husi DNTT, hanesan inspetór ba Isár Bandeira segunda ne'e, Ministru Transportes no Komunikasaun, Eng. Miguel Marques Gonçalves Manetelu, hato’o nia diskursu ikus iha tinan ne’e. husu funsionáriu ba direjente sira iha admininistrasaun direta no indireta atu halo auto avaliasaun ba servisu saida deit mak halo ona iha tinan 2025, no husu ba direjente sira atu halo kontrolu masimu ba servisu sira ne’ebé halao tiha ona durante tinan ida nia laran.
Razaun Ministru Manetelu hato’o lia hirak ne’e tanba hare ba prestasaun servisu husi funsionáriu sira no direjente sira seida'uk masimu tanba ne’e Ministru Manetelu enkoraja nafatin funsionáriu sira atu hatudu prestasaun servisu ne’ebé di’ak liutan iha tinan 2026.
Iha tinan 2026 servisu sei aumenta tanba ne’e persija aselera servisu no hatudu vontade tomak hodi halais servisu balu ne’eb’e seida’uk atinji.
Governante nemos husu ba funsionáriu no direjente sira iha administrasaun direta no indireta atu halo servisu tuir orientasaun ministru nia, nomos tuir programa ne’ebe trasa ona iha governasaun ne’ebé lidera husi Primeiru-Ministru Kayrala Xanana Gusmão.
