PN Hahú Debate PPL OJE 2026
Dili, 05 Novembru 2025 – Ministru Transporte no Komunikasaun, Eng. Miguel Marques Gonçalves Manetelu, partisipa debate projetu proposta lei OJE 2026 iha Jeneralidade kuarta ne'e iha Parlamentu Nasional.
Debate iha faze Jeneralidade ne’e lidera hosi Prezidente Parlamentu Nasionál, Maria Fernanda Lay, nomos hetan partisipasaun masimu husi membru governu konstitusional da-sia.
Primeiru Minsitru Kayrala Xanana Gusmão iha nia diskursu hatete governu nia dever no responsabilidade boot mai aprezenta proposta lei kona-ba orsamentu jerál estadu 2026
“Ho sentido boot kona-ba dever ho responsabilidade mak ha’u mai dirije ba ilustre audiência ida-ne’e atu apresenta Proposta Lei kona-ba Orçamento Geral Estado ba tinan 2026. La iha dúvida, ne’e hanesan momento-chave ida iha Estado nia moris. Debate kona-ba instrumento ida, liuliu, gestão financeira, ho nia estratégias ho escolhas políticas ba país, iha exercício democrático ida nebé halo discussão kona-ba escolhas hirak-ne’e. Tanba razão ida-ne’e, mak debate kona-ba Orçamento Geral Estado la’ós de’it sura números. Ita mai iha-ne’e atu fó sentido ba números hirak-ne’e no atu simu responsabilidade kona-ba investimentos, investimentos nebé atu contribui lori hadi’a ita-nia povo nia moris, atu hakbiit nia no desenvolve nia ho forma saudável, instruída no empreendedora”dehan PM Xanana iha debate PPL iha PN.
“Ita mai iha-ne’e atu implementa plano estratégico ida, ne’ebé traça tiha ona iha 2011, ho hanoin kona-ba continuidade iha políticas, projetos ho reformas, tanba ida-né mak única forma atu bele alcança visão kona-ba desenvolvimento nacional” tenik PM Xanana
Hafoin debate Primeiru-Ministru Kay Rala Xanana Gusmão kontinua rona intervensaun deputadu sira iha debate jeneralidade bá Proposta Lei Orsamentu Jerál Estadu (OJE) tinan 2026, iha Parlamentu Nasionál
Debate iha faze Jeneralidade ne’e lidera hosi Prezidente Parlamentu Nasionál, Maria Fernanda Lay.
