Ministru Manetelu Husu Joven Ermera Atu Mantein Unidade
Gleno, 27 Novembru 2025 – Ministru Transportes no Komunikasaun. Eng. Miguel Marques Gonçalves Manetelu, abertura kalan kultura iha resintu edifisiu C-MCLN Munisípiu Ermera.
objetivu husi kalan kultura ida ne'e hodi komemora tinan 50 Proklamasaun Unilaterál Independénsia Repúblika Demokratika Timor-Leste.
Iha kalan kultura ne'e iha mós aprezentasaun dansa kultura, konsertu múzika, husi banda lokál no banda klamar. Dansa kultura no konsertu múzika ne'e anima tebes komunidade Gleno, eventu ne’e lao ho susesu tanba hetan seguransa husi PNTL, no F-FDTL destakadu iha Munisípiu Ermera
Iha nia diskursu Ministru Manetelu lori governu nia naran hakarak agradese ba autoridade munisípiu ermera ne’ebé organiza ona konsertu ne'e, liuhosi konsertu ida ne'e anima joven, ferik, katuas no labarik sira.
Governante nemos husu ba joven sira iha munisipiu Ermera atu kontinua kria dame no estabilidade iha munisipiu Ermera nomos husu ba joven sira ne'ebe iha talentu arte no muzika atu kontinua talentu sira ne'e tanba joven mak futuru nasaun ne'e nia.
Eventu refere hetan apoiu husi autoridade lokál, entidade sira iha Gleno nomos emprezariu lokál.
