Ministru Manetelu Prezide Serimónia Solene Aniversáriu Ba Dala-50 Proklamasaun Unilateral Independénsia Repúblika Demokrátika Timor-Leste Nian.
Gleno , 28 Novembru 2025 – Ministru Transportes no Komunikasaun, Eng. Miguel Marques Gonçalves Manetelu, akompaña husi Prezidente Autoridade Munusípiu Ermera José Martinho dos Santos Soares too iha fatin serimónia solene Aniversáriu ba dala-50 Proklamasaun Unilateral Independénsia Repúblika Demokrátika Timor-Leste iha oras tuku 08:50 OTL.
Serimónia ne'e halao Isár Bandeira Nasional ne'e halao iha Kampo Demokrásia Gleno.
Antes hahú serimónia inspetór ba serimónia Ministru Manetelu halao uluk pasa revista ba forsa parada kompostu husi F-FDTL, PNTL, Seguransa Sivíl, Bombeiru, APC, Guarda Floresta, Estudante, no Funsionáriu Públiku.
Korpu Isar Bandeira Nasional ba komemorasaun Aniversáriu Proklamasaun Unilateral Independénsia RDTL ba dala-50 mai husi Eskola Sekundáriu Jeral Nino Konis Santana Ermera no responsabeliza Koru maihusi Eskola Teknika Vokasionál Ernesto Fernandes "DUDU"
Iha okaziaun ne’e Ministru Manetelu Lee diskursu Prezidente Repúblika José Ramos-Horta hodi presta omenajen ba joven mehi-na’in sira iha tinan 1975 nian no mós ba mártir sira ne’ebé ho korajen hahú harii soberania Timor-Leste nian. Hodi reflete kona-ba espíritu korajen husi jeresaun iha tempu ne’ebá nian ne’ebé la kursu boot ho esperitu patriotismu no nasionalismu hodi proklama Indepedénsia RDTL iha situasaun ne’ebé defisil iha momentu ne’eba.
Ho afirmasaun Saudozu Prokalamadór Francisco Xavier do Amaral no sira seluk iha momentu ne’eba ho forsa loloos hodi hakerek istória Timor-Leste nian ne’ebé harii iha silénsiu no iha sakrifísiu, hodi transforma moras husi pasadu nian sai nu’udar fundasaun ba Estadu Direitu Demokrátiku modernu ida.
Aleinde nemos reafirma Timor-Leste nia kompromisu ba liberdade, unidade, dezenvolvimentu, no dignidade Povu Timor-Leste nian. Ho erói no martires sira nia sakrifisiu iha momentu ne’ebá sai ezemplu ida nomos sira inspira Timoroan ida-idak atu kontribui, ho serbisu no determinasaun, hodi harii Timor-Leste ida ne’ebé prósperu, modernu, no hetan respeitu.
Hafoin serimónia kontinua kedas ho atribuisaun premiu ba manan nain sira ba iha kompetisaun dada tali entre suku, jogu futsal, no atividade sira seluk tan.
Serimónia Isár Bandeira Nasional ne'e partisipa husi, Veteranus, Estudante, PNTL, F-FDTL, entidade estadu sira iha Gleno, no komunidade sira.
