MAE Ofisialmente Entrega Karreta Ambulift Ba MTK
Dili, 04 Novembru 2025 – Ministru Administrasaun Estatál, ????́? ?? ????́??? ??????, entrega karreta ambulift ba Ministru Transporte no Komunikasaun, Eng. Miguel Marques Gonçalves Manetelu, iha ambitu serimónia lansamentu sentru modernizasaun administrativu iha resintu MAE Kaikoli DIli.
MAE ofisialmente entrega karreta Ambulift ne’ebé sosa iha momentu vizita husi maktoban Sua Santidade Papa Francisco iha Timor-Leste ba Ministériu Transporte no Komunikasaun, tuir pedidu husi MTK ne’ebé hetan autorizasaun husi Primeiru Ministru, hodi fasilita servisu ANATL, E.P nian, espesifikamente atu fasilita ema ho kondisaun fiziku espesiál no ema moras grave sira.
Serimónia ne'e marka prezensa husi Reprezentante Rezidente UNDP, Katyna Argueta, Ministru Justisa, Sérgio de Jesus Fernandes da Costa Hornai, Vise-Ministru Administrasaun Estatál, Jacinto Rigoberto no Sekretaris Estadu Dezenvolvimentu Lokál, Mateus W. dos Santos Tallo.
Entretantu, iha serimónia ne’e hetan partisipasaun masimu, husi Xefes Gabinete, Embaixadores, Ajénsia Internasionál, Prezidente Autoridade Munisipál 12, Prezidente Autoridade Administrativa Ataúro, Diretores-Gerais no Diretores-Nacionais husi Ministériu Justisa no Ministériu Transporte no Komunikasaun, Diretór Ezekutivu TIC TIMOR, I.P. no Diretores-Gerais, Diretores-Nasionais, Xefe-Departamentu no funsionáriu tomak husi Ministériu Administrasaun Estatal, no Konvidadu sira hotu.
