Timor-Leste husu Parseiru Globál Sira Atu Harii Mobilidade Intelijente no Inklusivu ba Futuru
Beijing, Xina, 16 Outobru 2025 - Partisipa Konferénsia Mundiál kona-ba Veíkułu Intelijente Konektadu (ICV) ne'ebé halao iha Beijing, Ministru Transporte no Komunikasaun, ???. ?????? ??????? ???ç????? ????????, hato’o nia diskursu hodi husu kolaborasaun globál atú mellora sistema mobilidade intelijente, sustentável no inklusivu ba nasaun dezenvolvimentu sira.
Iha Sesaun Meza-redonda kona-ba Polítika Indústria ICV nian ne’ebé modera husi Vise Ministru ba Indústria no Informasaun Teknolójia Xina, ??? ??????, , Ministru Manetelu iha nia diskursu afirma Timor-Leste iha vizaun atu integra infraestrutura transporte no rede dijitál iha programa dezenvolvimentu nasionál.
Governante ne’e hatutan katak ICV la’ós de'it inovasaun teknolójika maibé xavi ba estrada ida mais seguru, ambiente verde, no ekonomia ne'ebé efisiente liu.
Ministru Manetelu argumenta katak Timor-Leste aprezenta vantajen úniku ne’ebe permite atú hari'i ekosistema mobilidade integradu husi inisiu. "Ami iha estájiu dahuluk ba ami-nian transformasaun dijitál nasionál, no ida ne'e permite ami atú dezeña futuru ho objetivu klaru" nia argumenta.
Ministru Manetelu reafirma Estratéjia Governu Timor-Leste nian ba ICV hola parte iha pilar rua mak hanesan: Infra-estrutura Integradu no Regulamentu Prospetivu
Ministru Manete hatete Governu Timor-Leste afirma pozisaun iha konferénsia ne’e katak nasaun nian dalan ba mobilidade intelijente sei prioriza inkluzividade no benefísiu sosiál. "Ami-nia tranzisaun ba mobilidade intelijente sei hala'o ho kuidadu ho kompromisu ba dezenvolvimentu sosiadade tomak no ami sei asegura katak benefísiu husi transformasaun ida ne'e bá lójistika, transporte públiku, ka mobilidade pessoál sei dezeña ho sentidu atu fó benefisiu ba sidadaun hotu, husi nasionál to'o ba komunidade sira iha area remotas."tenik Ministru Manetelu.
Iha biban ne’e, Ministru Manetelu hato’o konvite ba kolaborasaun ba parseiru sira hanesan peritu governu, empreza teknolojia no investidór sira.
Iha nia diskursu ikus Ministru Manetelu kompremetidu Timor-Leste nia determinasaun atú hari'i "nasaun ida ne'ebé konektadu, dezeñu ba prosperidade povu nian no planeta ida saúdavel. "Ami hanesan nasaun joven ida ne'ebé ansiozu atú abraza futuru mudérnu," nia dehan.
"Ami fiar katak mobilidade nian futuru tenke inklusivu no ami konvida lider industria ICV vizita Timor-Leste hodi dezenvolve solusaun ne'ebé propria ba realidade ekonomia nasaun dezenvolvimentu sira nian, hodi lori solusaun ba ema proximu biliaun iha mundu." Tenik Ministru Manetelu.
