Ministériu Transporte no Komunikasaun Diskuti Virement OJE 2025
Dili, 10 Setembru 2025 – Ministériu Transporte no Komunikasaun kuarta ohin diskute verifikasaun Orsamentu Jerál Estadu 2025 iha salaun enkontru Ministériu Kaikoli Dili.
Enkontru ne’e prezide husi Diretór Jerál Administrasaun no Finansas, Aniceto Leto Soro akompaña husi Inspetór Jerál MTK.
hetan partisipasaun husi Diretór Nasionál sira no nia reprezentante, Assesor Nasional sira, no pontu vogal husi Diresaun ida-idak.
Ajenda prinsipál husi reuniaun ida ne’e, ko’alia kona-ba Virement Orsamentu 2025 nian. Halo mós aprezentasaun kona-ba rezultadu Virement OJE 2025 husi Xefe Departamentu Planeamento Marcal Aprezentasaun ne’e halo tuir kada Diresaun Nasionál ida-idak, kompostu husi Gabinete Ministru, Inspetór Jerál, no Gabinete Planeamentu, politika no kooperasaun.
Durante diskusaun, reprezentante husi Diresaun Nasionál ida-idak mos partilha sira nia argumentu hodi mantein orsamentu ne’ebe planeia ba fulan 4 oin mai. Diskusaun ne’e dinámiku, ho foku ba optimizasaun alokasaun orsamentu hodi aliña ho prioridade serbisu ministériu nian to’o tinan ida ne’e nia rohan.
Enkontru ne’e sei hametin liu tan koordenasaun interna no garante katak polítika OJE 2025 aliña ho planu estratéjiku Ministériu Transporte no Komunikasaun nian.
