Primeiru-Ministru Kay Rala Xanana Gusmão : Dili International Trade Expo 2025 Nu’udar Oportunidade Ida Atu Hatudu Inovasaun, Kultura No Teknolojia Foun
DILI, 28 Agostu 2025 – Ministru Transporte no Komunikasaun, Eng Miguel Marques Gonçalves Manetelu nu’udar mos Vise-Primeiru Ministru Interinu, Ministru Kordenadór Asuntu Ekonomiku no Ministru Turizmu no Ambiente.
Dili International Trade Expo 2025 ofisialmente abertura husi Primeiru Ministru Kay Rala Xanana Gusmão ohin iha Sentru Konvensaun Dili.
Perante partisipante sira Xefe Governu rekoñese Dili International Trade Expo 2025 hanesan oportunidade ida ba empreza kiik no boot sira atu dezenvolve kultura no teknoljia.
“Ida ne'e mak espozisaun lalais iha timor-leste ne'ebé organiza husi ministériu komersiu no indústria hanesan ita-nia dalan atu dehan ba mundu Timor-Leste nakloke ba negósiu esportasaun ne'e hanesan oportunidade ida ba Timor-Leste atu emprezáriu negósiu ki'ik no médiu sira ida ne’e hanesan oportunidade ida atu dezenvolve kultura no teknolojia inovasaun no hanesan oportunidade ida atu promove kolaborasaun setór oioin, espozisaun ne'e hatudu produtu boot balun Timor-Leste nian ne'ebé prodús no esporta ba mundu maske iha kuantidade kiik, ami nia Bebidas alkohol organiku, Xokolate, artezenatu no roupa tradisional ida-ne'e selebra hela ita-nia povu nia abilidade no determinasaun ne'ebé maka'as tebes, expo ne'e mós fatin ida ba empreza nasionál no internasionál atu hasoru malu, esplora oportunidade negósiu nian no harii rede foun ida ba investimentu’’ dehan PM Xanana iha abertura DITE 2025.
Espozisaun Komersiu Internasional Dili nian iha tinan 2025 nu'udar espozisaun internasionál dahuluk ne'ebé organiza iha Timor-Leste, ho objetivu atu halibur nasaun sira, empreza ki'ik no médiu sira, empreza sira, organizasaun naun-governamental sira (NGO) no Organizasaun Governamental Internasional (IGOS), hodi hatudu sira-nia realizasaun no hatudu inovasaun, kultura no teknolojia foun sira, no mós atu enkoraja kolaborasaun iha setór hotu-hotu.
Espozisaun Komersiu Internasional Dili nian iha tinan 2025 fó oportunidade atu estabelese kontaktu no esperiénsia komersiál, industriál no kulturál sira, hodi enkoraja ligasaun globál no ligasaun negósiu sira, liuhosi programa oioin atu promove kompañia no sira-nia produtu sira
