Kandidatu Bolseiru Atus 129 Husi ANATL Tuir Teste Molok Halo Estudu Iha Indonézia
Dili, 08 Setembru 2025 – Ohin Kandidatu bolseiru tinan 2025-2026 ne’eb’e admitidu tuir teste.
Antes ne’e Kandidatu sira ne’e submete ona sira nia dokumentu ba iha Administração de Aeroporto e Navegação Aérea de Timor-Leste Empresa Pública (ANATL, E.P), hamutuk atus tolu, tolu nulu resin. iha prosesu selesaun ne’e kandidatu nain atus ida rua nulu resin sia admitidu.
Administração de Aeroporto e Navegação Aérea de Timor-Leste Empresa Pública (ANATL, E.P), hala’o ona ezame eskrita no orál ba kandidatus bolseiru timoroan hamtuk atus ida rua nolu resin sia (129)
Liuhosi kooperasaun ho FDCH nomos Politékniku Aviasaun Surabaya husi Ministériu Transporte Indonézia nian halo teste ba kandidatu sira, teste ne'e halao salaun Ministériu Transporte no Komunikasaun Kaikoli Dili.
Kandidatus hirak ne’ebé tuir ezame refere iha área hitu (7) mak hanesan, Air Traffic Control (ATC), Air Navigation Engineering (ANE), Air Electricity Engineering (AEE), Airport Civil Engineering (ACE), Aircraft Recue Fighting (ERF), Airport Medical Engineering (AME), Airport Operations (AO).
Teste hirak ne’e, hala’o direta husi PPC Jakarta, Politeknik Penerbagan Surabaya, no Politeknik Penerbagan Palembang Indonesia, akompaña mos husi FDCH no ANATL, E.P rasik.
Xefe Divizaun Akademia no Kadete Politékniku Aviasaun Surabaya Ministériu Transporte Indonézia nian, Parjan agradese governu Timor-Leste liuhosi Ministériu Transporte no Komunikasaun, ANATL no FDCH hodi halo teste ba bolseiru sira ne’e.
“Lori governu Indonézia nia naran, ami hakarak hato’o ami nia agradesimentu ba ANATL, FDCH, no Ministériu Transporte no Komunikasaun Timor-Leste ne’ebé fó fiar ba politékniku aviasaun Indonézia nian hodi eduka potensiál kadetes Timor-Leste nian. Ami hein katak kolaborasaun ida-ne'e sei kontinua fó impaktu pozitivu ba relasaun sira entre nasaun rua, hodi permite ami atu kontribui ba hadi'a kualidade rekursu umanu sira, liuliu iha setór transporte no aviasaun nian tenik Parjan.
Prezidente ANATL, Romualdo António Soares da Silva, hatete liuhosi testing ne’e sei persija de’it aplikante hamutuk 30 mak sei ba eskola iha indonézia iha area espesifiku sira ne’e.
“Ohin ami halo testing ba bolseiru sira atu ba eskola iha indonézia, servisu humutuk ho politekniku Bandung, Palembang, no Surabaya,. Testing ne’e laos foin primeira véz maibé halao dala haat ona, atu dehan katak testing ida ne’e ami halo preparasaun kordenasaun hamutuk ho FDCH nomos politekniku sira husi indonézia involve mós husi Ministeriu transporte no komunikasaun, ba aplikante ne’ebé mak applay hamutuk atus tolu tolu nulu resin haat pasa ba iha selesaun dokumentus hamutuk 129 pesoas, agóra ita hahú testing sira. vaga nemak persija mak hamutuk tolu nulu”tenik Prezidente ANATL, Romualdo António Soares da Silva.
Kandidatu bolseiru tolu nulu ne’ebé selesionadu sei ba halao sira nia estudu iha Politeknik Penerbangan Surabaya, Politeknik Penerbangan Palembang no PPC Jakarta ho durasaun tinan tolu hafoin ne’e sei servisu iha ANATL.
