Prezidente Repúblika José Ramos-Horta Abertura Konferénsia Ekonómiku No Negósiu Timor-Leste No Austrália.
Dili, 06 Agostu 2025 – Ministru Transporte no Komunikasaun, Eng. Miguel Marques Gonçalves Manetelu, partisipa Konferénsia Ekonómiku no Negósiu Timor-Leste no Austrália. Haburas Komérsiu no Investimentu Entre Timor-Leste no Austrália iha salaun multiuzo GMN Bebora Dili.
Konfer’ensia ne’e realiza hodi komemora tinan 25 parseria Austrália no Timor-Leste
Objetivu husi konfer’ensia ne’e atu hametin lasu ekonómiku liuhusi promove investimentu iha setór xave sira, inklui agrikultura, turizmu, manufatura, no rekursu minerál sira. Austrália sai nu’udar parseiru ida ne’ebé metin iha Timor-Leste nia viajen ba estabilidade no prosperidade. Timor-Leste kontinua hametin kooperasaun iha komérsiu, investimentu, no ligasaun povu ho povu ne’ebé sei dudu kresimentu sustentável ba ita-nia nasaun rua ne’e."
Austrália sai parseiru dezenvolvimentu no seguransa ne’ebé boot liu, Timor-Leste no Austrália ativamente sai parseiru ne’ebé metin liu iha kooperasaun sira iha setór oioin, inklui Dezenvolvimentu, Diversifikasaun Ekonómika, programa Mobilidade Traballu Pasífiku Austrália (PALM), projetu infraestrutura boot sira, Edukasaun, Seguransa no Defeza,ligasaun entre Povu, Apoiu baTimor-Leste nia membru OMK no adezaun ba ASEAN
Konferénsia ne’e partisipa husi Ministra Australia ba Dezenvolvimentu Internasionál Austrália, Dra. Anne Aly MP. Primeiru Ministru Kay Rala Xanana Gusmão, Vise-Primeiru Ministru, Ministru Kordenadór Asuntu Ekonómiku no Ministru Turizmu no Ambiete, Francisco Kalbuady Lay.
