Ministru Manetelu Halao Observasaun Ba Iha Projetu Espansaun No Dezenvolvimentu Aipnl
Díli, 02 Dezembru 2025 - Ministru Transportes no Komunikasaun Eng. Miguel Marques Gonçalves Manetelu tersa ohin, akompaña husi Prezidente Konsellu Administrasaun ANATL, E.P. Romualdo António Soares da Silva; Vogál I Sr. Luis Caldeira Alves, Vogál II Sr. Marco Paulo dos Reis Faria de Sousa, Diretóra UEPI Eng. Antónia Talo, inklui kompañia konsultór sira, observa situasaun servisu iha terrenu hodi orienta, mobiliza no aselera servisu balun, relasiona ho projetu dezenvolvimentu Aeroportu Internasionál Prezidente Nicolau Lobato (AIPNL) Comoro, Díli.
Iha observasaun ne’e, Ministru Manetelu husu ba kompañia ne’ebé hetan fiar kaer obra refere, atu aselera servisu konstrusaun ba edifísiu temporáriu ANATL, E.P., hodi labele pertúrba servisu iha projetu konstrusaun dezenvolvimentu Aeroportu Internasionál Prezidente Nicolau Lobato (AIPNL) Comoro, Díli.
