Primeiru-Ministru Kay Rala Xanana Gusmão Desloka Ba Indonézia Sei Halo Negosiasaun Segunda Ronde Ba Kestaun Fronteira Entre Timor-Leste No Indonézia
Dili, 06 Dezembro 2025 – Ministru Transportes no Komunikasaun, Eng. Miguel Marques Gonçalves Manetelu, sabado dader ne’e iha oras 09 : 15 dader hamutuk ho membru governu balu akompaña Primeiru-Ministru Kay Rala Xanana Gusmão hala’o viajen servisu ba Repúblika Indonézia,
Xefe governu nia Viajen ida-ne’e ho objetivu atu kontinua prosesu negosiasaun segundu ronde kona-ba fronteira maritima entre Timor-Leste no Indonézia, ne’ebé sei deskute iha sidade Jogjakarta.
Negosiasaun fronteira maritima konsideradu hanesan parte importante iha esforsu governu atu klarifika limitasaun soberania no hetan solusaun interése nasional, tanba antes ne’e ekipa hosi nasaun rua halao tiha ona negosaisaun primeira ronda iha Dili.
Durante iha negosiasaun ne’e mós Xefe Governu sei introdúz bá Governu Repúblika Indonézia kona-bá inisiativa hodi realiza “nahe biti bo’ot” ko’alia nu’udár maun-alin iha fronteira Naktuka ho Amfoang.
Negosiasaun bá fronteira marítima entre nasaun rua sei hala’o durante loron-tolu hahu iha loron 8-10 Dezembru 2025 iha Jogjakarta.
Iha diskusaun nemos Primeiru-Ministru sei akompaña husi Delegasaun téknika no polítika Timor-Leste hodi kontinua diskute ponto-ponto xave ho autoridade Indonézia, ho esperansa atu hetan rezultadu ne’ebé nomos progresu signifikante iha ronda Segundu nian
