Governu Aprova Proposta Rezolusaun Parlamentu Nasionál Ne’ebé Ratifika Deklarasaun Kona-Ba Admisaun Repúblika Demokrátika Timor-Leste Iha Asosiasaun Nasaun Sudeste Aziátiku.
Governu Aprova Proposta Rezolusaun Parlamentu Nasionál Ne’ebé Ratifika Deklarasaun Kona-Ba Admisaun Repúblika Demokrátika Timor-Leste Iha Asosiasaun Nasaun Sudeste Aziátiku.
Dili, 04 Agostu 2025 – Ministru Transporte no Komunikasaun, Eng. Miguel Marques Gonçalves Manetelu, partisipa reuniaun Konsellu Ministru Segunda ne’e iha Palásiu Governu.
Iha reuniaun ne’e Konsellu Ministrus aprova mós Proposta Rezolusaun Parlamentu Nasionál nian ida, ne’ebé aprezenta husi Vise-Ministra ba Asuntus ASEAN, Milena Maria da Costa Rangel, ne’ebé Ratifika Deklarasaun Kona-ba Admisaun Repúblika Demokrátika Timor-Leste iha Asosiasaun Nasoins Sudeste Aziátiku.
Deklarasaun ne’e hanesan etapa esensiál ida ba Timor-Leste nia integrasaun tomak iha ASEAN, bazeia ba nu. 4 artigu 6 Karta ASEAN nian, ne’ebé nia asinatura kona-ba admisaun Repúblika Demokrátika Timor-Leste ba ASEAN, ne’ebé sei hala’o iha Malázia iha loron 26 fulan-outubru tinan 2025, reprezenta aseitasaun polítika hosi parte Estadus-Membrus ASEAN kona-ba inkluzaun Timor-Leste hanesan futuru Estadu-Membru organizasaun ne’e nian.
Atu subliña katak adezaun ba ASEAN nu’udar prioridade nasionál ida no lori vontade soberanu povu timoroan nian atu partisipa ativu hodi promove pás, estabilidade, dezenvolvimentu sustentável no prosperidade partillada iha rejiaun.
