Diretór Jerál Administrasaun No Finansas Aniceto Leto Soro Abertura Formasaun Transporte públiku seguru”terrestre marítimu no aéreo ne’ebé inkluzivu”
Remexio, 29 Jullu 2025 – Formasaun ida ne’e organiza husi Grúpu Traballu Jeneru Inkluzaun no Sosíal Ministériu Transporte no Komunikasaun.
Formasaun ida ne’e hanesan sosializasaun ba funsionáiu públiku sira iha Postu Administrativu Remexio, komunidade, estudante sira no ema ho defisiensia, ho nune’e ema hotu bele asesu ba iha transporte públiku, terrestes, marítimu no aero ne’ebé inkluzivu no seguru. Aleinde nemos atu hapara violensia kontra feto, mane, labarik no ema ho defisiensia
Diretór Jerál Administrasaun No Finansas Aniceto Leto Soro, iha nia intervensaun hatete “ programa GTGIS “Transporte Publikus Seguru Terrestre, Maritimu no Aereo nebe inkluzivu ne’e tuir lolos iha ministeriu hotu2 tenki halo, tamba bele fo vantajeem di’ak ba ema hotu-hotu liu-liu ema defisiente sira, planu ida ne’e Governu nia planu, tamba ne husu ba parte hotu-hotu liu-liu liña ministériu sira iha obrigasaun kumpri no implementa Governu nia programa sira. Inklui Programa Grupu de Traballu Jeneru no Inkluzaun Sosiál.
