Timor-Leste Partisipa Iha ADGSOM-ATRC LEADERS' Iha Yangon, Myanmar
Yangon, Myanmar, 23 Setembru 2026 – Delegasaun Timor-Leste husi Ministériu Transportes no Komunikasaun, lideradu husi Diretór Jerál Komunikasaun, Ambrosio Amaral, akompaña husi Xefe Gabinete Dijitalizasaun no Seguransa Sibernetika, Agustinho Bruno Halo, Diretór DNIC, Pedro Amaral, Administradora ANC , Georgina Garcia, Tekniku ANC, Fabio Magalhães, partisipa iha Enkontru Ofisiál Sénior ASEAN ba Dijitál (ADGSOM) no Konsellu Reguladór Telekomunikasaun ASEAN (ATRC) iha Yangon, Myanmar.
Enkontru ne’e diskute kona-ba implementasaun desizaun ASEAN, avaliasaun ASEAN Digital Masterplan 2030 no Planu Traballu ADGSOM-ATRC 2026, inklui preparasaun Planu Traballu no Orsamentu 2027. Enkontru mós aborda kooperasaun ho parseiru ASEAN no preparasaun ba ADGSOM no ADGMIN da-7 no enkontru sira ne’ebé relasiona.
