Ministério dos Transportes e Comunicações

Dili, 21 Setembru 2026 – Ministru Transportes no Komunikasaun, Eng. Miguel Marques Gonçalves Manetelu, Segunda ne’e tun direta ba iha Depózitu Konbustíbel Aviasaun (Aviation Fuel Depot) ka Fasilidade Armazenamentu Avtur PITSA iha Aeroportu Internasional Prezidente Nicolau Lobato Komoro Dili, hodi hasoru malu ho Diretór Operasaun Pertamina Internasional, Popa Damos Hutasoit.

Desizaun ne'e halo atu fó espasu ho livre ba empreza Toa ne'ebé sei exekuta servisu konstrusaun edifísiu terminal pasajeiru foun iha Aeroportu Internasionál Prezidente Nicolau Lobato (AIPNL).

Ministru Manetelu fó ultimatu ba PITSA atu hamamuk no muda sira-nia depózitu Avtur/DPPU iha loron 17 Outubru 2026.

Razaun muda Fatin depózitu tuan ne'e  tanba afeitadu direta husi projetu konstrusaun terminal foun ne'ebé presiza terenu luan liu.

Diretór Operasaun Pertamina Internasional, Popa Damos Hutasoit. hatete sira prontu atu muda ba fatin foun ne'ebé ANATL hatudu ona, oras ne'e dadaun sasan balu sira hasai no muda ona ho garantia katak abastesimentu Avtur ba aviaun sira la para.

Fatin ne'e afeitadu tanba posisaun jeográfika husi depózitu dedikadu ne'e:

• Iha Área Operasionál Aeroportu Nian: Fasilidade armazenamentu no tanki Avtur ne'e lokaliza iha interior ka fronteira besik área apron.

• Iha Master Plan Ekspansaun Terminal: Projetu konstrusaun terminal pasajeiru foun ne'ebé luan no modernu require totál espasu terenu ne'ebé okupa husi fasilidade depózitu tuan PITSA nian.

• Zona Seguransa (Safety Buffer Zone): Iha padraun aviasaun internasionál (ICAO), tanki armazenamentu konbustíbel boot 2 no kamiaun abastesimentu labele besik liu ba edifísiu terminal pasajeiru foun tanba risku iijene no seguransa (fogo/esplosaun).

Tanba ne'e, fasilidade DPPU/Depózitu Avtur PITSA nian tenke hamamuk no muda/reloka ba área foun ne'ebé seguru liu (ne'ebé determinadu iha master plan aeroportu nian) atu konstrusaun terminal foun bele la'o ho kumpri padraun seguransa aviasaun.