Governo hahú halo despezu administrativa ba komunidade uma kain 57 Iha Aldeia Beto-Tasi Suku Madohi, Postu Administrativo Dom-Alexo Munisipiu Dili.
Díli, 14 Jullu 2026 - Governu liu husi SEATOU, MOP, tersa ne'e hamutuk ho ANATL, no PAM Dili tun ho ekipamentus pezadus, halo ona despezu administrativa ba komunidade uma-kain lima nolu resin hitu (57) iha Marinir Aldeia Beto-tasi Suku Madohi, Postu Administrativo Dom-Alexo Munisipiu Dili.
Despezu administrativa ida ne'e guvernu halo, hodi bele hatan ba nesesidades espasu ba areadores Aeroportu nian, tuir dezeñu iha alargamentu pista/runway ba Aeroportu Internasionál Prezidente Nicolau Lobato (AIPNL) Komoro Díli.
Iha terrenu SEATOU, hetan apoiu husi Ekipa Jestaun Merkadu, Saneamentu Munisípiu Dili, inklui operadores Aeroportu no seluk tan, hodi prepara kondisoens no falisita hasai no tula komunidade sira nia sasan husi fatin evikasaun ba fatin seluk, bainhira komunidade sira presija tulun no hetan seguransa masimu husi Polísia Nasional Timor-Leste.
Governu konsidera Projetu espansaun no dezenvolvimentu Aeroportu Internasionál Presidente Nicolau Lobato (AIPNL) Komoro Dili, sai hanesan projetu infraestrutura nasionál ne'ebé boot no prioritáriu tebes ba Governu nian atu habelar no moderniza aeroportu ne’e rasik.
