Reuniaun Interministerial Esbosu Planu Médiu Prazu Governu 2027-2030 Pillar Infraestrutura
Dili, 13 Jullu 2026 – Ministru Transportes no Komunikasoens, Eng. Miguel Marques Gonçalves Manetelu partisipa iha reuniaun interministerial esbosu planu médiu prazu governu 2027-2030 pillar infraestrutura.
Reuniaun ne’e halao iha sala enkontru ADN Fatuhada no lidera husi
Ministru Planeamentu no Investivementu Estratejikú (MPIE), Gastão de Sousa.
Reuniaun ne’e marka mós prezensa husi Primeiru-Ministru, Kay Rala Xanana Gusmão, membru Governu balu, kargu Diretór Jeral sira iha liña ministeriais no asesór sira.
Iha biban ne'e halo mós aprezentasaun kona-ba Esbosu Planu Médiu Prazu Governu 2027–2030 — Pilar Infraestruktura, Asuntus tranversal Ordenamentu no Habitasaun husi ekipa Tékniku profissional UPI-MPIE.
Ministru Planeamentu no Investivementu Estratejikú (MPIE), Gastão de Sousa, subliña Governu Timor-Leste hatuur prioridade ba setór infraestruturas iha Planu Estratejikú médiu prazu 2027-2030.
Sorumutu planu estratejikú longu prazu ne'e aprezenta kona-bá implementasaun planu estratejikú 2011-2030 no mós saida de'it mak tenke prepara no saida mak Governu identifiká hodi bele tau iha médiu prazu 2027-2030.
Ministru Gastão hatete Planu estratejikú 2027-2030 buat barak maka balu seidauk halo, balu halo ona, to'o iha 2030 saida mak presiza atu halo iha setór infraestruturas. Governante ne'e haktuir bainhira halo hotu tiha planu setór infraestruturas, sei finaliza ba relatóriu final hodi aprezenta ba Konsellu Ministru atu bele haré ba oin.
