Ekipa rejionál UNEP atualiza progresu implementasaun projetu sistema alerta sedu ba Ministru Manetelu
Dili, 07 Jullu 2026 – S.E. Ministru Transportes no Komunikasaun, Eng. Miguel Marques Gonçalves Manetelu, simu vizita kortézia ida husi Ekipa Rejionál UNEP iha gabinete Ministru Kaikoli Dili.
Ekipa rejionál UNEP ne'e kompostu husi Diretór rejionál, Xefe Unidade, Jerente Projetu no UNEP Country Focal Point no Director DNMG.
Objetivu husi enkontru ne’e atualiza no halo diskusaun progresu implementasaun Projetu Sistema Alerta Sesu, Assinatura Akordu Systematic Observations Finance Facility (SOFF), no atualiza no diskusaun Implementasaun instalasaun ekipamentus meteorolojia
MTK ho apoio husi UNEP hala’o ona progresu importante sira hanesan tuir mai ne’e iha Timor-Leste:
Installa ona Sistema Automatika Previsaun Tempu Aviaun (AWOS) nian iha Aeroportu International, Comoro, Dili. Sistema operasionaliza ona, hein hela DNMG ho BOM Australia halo migrasaun dadaus ba TAF nian.
Installa Sistema Automatika ba previsaun Tempu (AWS) unidade 6 iha Municipiu sira hanesan Likisa, Ermera (Gleno), Manatuto, Baukau, no Viqueque, Lautem (Lospalos). Sei kompleta tan unidade 5 iha Atauro, Manufahi, Kovalima (Suai), Bobonaro (Maliana). Sistema sira ne’e funsiona ona no transfere dadus automatika kada minutus 10 mai Sentru Previsaun Tempu Nasional DNMG nian.
Installa gateways Unidade 6: 1 iha Oekuse, 1 iha Ainaro, 2 iha Baukau, ida iha Viqueque, no iha Bobonaro (Tapo) hodi transfere dadus meteorolojia husi area remotas sira mai sentru previsaun nasional.
Estabelese ona Sistema Dadus Klima nian (CDIS) iha Sentru Previsaun Nasional DNMG nian hodi simu dadus automatika husi estasaun meteorolojikus iha Timor laran no fahe mos dadus ba rejiaun sira iha Asia no ASEAN nian.
