Ministru Manetelu Observa Projetu Konstruksaun Báskula Automátika (Balansu Rodoviária) Munisípiu Kovalima
Kovalima, 18 Abríl 2026 – Ministru Transportes no Komunikasaun, Eng. Miguel Marques Gonçalves Manetelu, halao vizita servisu ba iha munisípiu kovalima sabado ne’e.
Antes desloka ba Oekusse Ministru Manetelu hare direta servisu diaria diresaun nasional transportes terreste iha postu integradu fronteira Terrestre entre Timor-Leste no Indonézia iha mota masin, alende hare mós progresu konstrukasaun Báskula Automátika (Balansu rodoviária) ne’ebé finansia husi ministériu finansas, obra refere responsabiliza husi kompaña Mota Loes.
Hafoin konklui nia observasaun, governante ne'e kontinua enkoraja funsionáriu DNTT Kovalima, atu kontinua halao servisu ho di’ak tuir ida-ida nia kompeténsia nomos halo kordenasaun di’ak iha postu integradu mota masin.
Servisu integradu iha fronteira Terrestre ho nasaun viziñu indonézia, liuhosi kordenasaun servisu ho PNTL_UPF, Imigrasaun, Alfandega, no Kuarantena
Iha vizita ne’e akompaña husi Xefe DNTT Munisípiu Kovalima Mariano Amaral no funsionáriu sira.
