Ministériu Transportes no Komunikasaun instala ona Sralink iha sede suku sira iha teritóriu nasional
RAEOA, 23 Abríl 2026 - Ministru Transportes no Komunikasaun, Eng. Miguel Marques Gonçalves Manetelu, informa ba jornalista sira hafoin partisipa enkontru KAFI iha salaun RAEOA iha Segunda foin lais ne’e.
Hatan ba pergunta husi Jornalista sira, preokupasaun komunidadade sira nia kona-ba liña internet iha teritóriu nasional, liu-liu iha area remotas sira, governante ne’e hatete oras dadaun ekipa Ministériu liuhosi DNIK halo ona instalasaun liña internet iha sede suku sira iha teritóriu nasionál.
"Fornesimentu internet ka mobile ba populasaun, ne’e responsabilidade husi operadór telekomunikasaun, hanesan tt, telemor no telkomsel ho isp sira, husi ministeriu transportes no komunikasaun fornese internet ba instituisaun estadu sira, projetu ne’e ministériu halo instalasaun ona ba iha sede suku hotu iha teritóriu timor laran tomak, starlink instala internet iha sede suku sira iha teritóriu nasionál”dehan Ministru Manetelu ba jornalista sira iha salaun enkontru RAEOA.
Servisu instalasaun internet iha sede suku sira iha teritóriu nasionál besik konklui ona ho nune’e bele fasilita servisu públiku iha area remota sira.
