Governu Austrália kontinua hametin parséria ho Governu Timor Leste
Dili, 19 Marsu 2026 – Governu Austrália liuhosi Embaixadora Austrália Caitlin Wilson deklara selebrasaun loron nasional Austrália, hanesan memenntu importante hodi hametin parséria entre rai rua ne'ebé harii bazeia ba solidariedade durante tinan barak nia laran.
Iha serimónia loron nasionál austrália nia ne’e marka prezensa mós hosi S.E Prezidente Repúblika, José Ramos-Horta, S.E Ministru Transportes no Komunikasaun, Eng. Miguel Marques Gonçalves Manetelu, membru governu, korpu diplomatiku sosiedade sivíl no entidade estadu sira.
Serimónia ofisiál ne’e abertura hosi Xefe Governu , J. Ramos-Horta, no Embaixadora Caitlin Wilson.
Iha nia diskursu Embaixadora Caitlin Wilson, hatete governu austrália kontinua hametin parséria ho governu Timor-Leste liu hosi involve an iha projetu espansaun no dezenvolvimentu Aeroportu Internasional Prezidente Nicolau Lobato Comoro Dili, aleinde nemos hametin parseria ho governu Timor-Leste iha area saúde no edukasaun.
Xefe Estadu José Ramos-Horta subliña parséria entre rai rua ne’e ne’ebé signifikadu husi "Parseria Foun ba Era Foun", kuadru estratéjiku ida ne'ebé foin estabelese hamutuk ho Primeiru-Ministru Anthony Albanese. Parseria ne'e foka ba pilar vitál tolu: pás rejionál no Timor-Leste nia dalan atu sai membru ASEAN nian, prosperidade ekonómika liuhusi kooperasaun iha projetu sira hanesan Greater Sunrise, no hametin ligasaun institusionál sira.
Xefe estadu mós hato'o agradesimentu kle'an ba apoiu istóriku Austrália nian, hahú husi Funu Mundiál Segundu to'o misaun estabilizasaun tinan 1999 nian, no presta omenajen ba sidadaun australianu barak ne'ebé oras ne’e dadaun kontribui ba dezenvolvimentu nasionál Timor-Leste nian.
