Sekretáriu-Jerál ASEAN no Delegasaun Timor-Leste hala'o enkontru hodi troka hanoin no diskute kona-ba progresu integrasaun Timor-Leste nian iha ASEAN.
Jakarta, Indonézia 2 Novembru 2026 – Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, ho delegasaun altu nível Timor-Leste nian hala'o viájen servisu no enkontru ofisiál ho Sekretáriu-Jerál ASEAN, Dr. Kao Kim Hourn, iha Sede Sekretariadu ASEAN, Jakarta, Indonézia.
Delegasaun ne’ebé akompaña Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay kompostu husi, Ministru Transporte no Komunikasaun, Eng. Miguel Marques Gonçalves Manetelu, Ministru Interiór, Francisco Guterres, Vise Ministru Komérsiu no Industria, Augosto Junior, Prezidente CCLN, Riak Leman, no Embaixadór Repúblika Demokratika Timor-Leste nian ba Jakarta, Indonézia.
Enkontru ho Sekretáriu-Jerál ASEAN ho objetivu refleta kompromisu husi Governu Timor-Leste nian hodi: Aselera Prosesu Aderesaun Plenu, Hamutuk ho ASEAN hodi kompleta roodmap/matadalan sira ba adesaun tomak nian. Liuhosi Koorporasaun Rejionál, Haforti kooperasaun iha konseptu ekonomia, transporte, komunikasaun, no seguransa internu rejionál.
Timor-Leste prontu atu fahe no simu matadalan husi estrutura ASEAN nian hodi sai membru ho direitu tomak.
marka momentu inportante ida ba relasaun diplomátika no integrasaun Timor-Leste nian iha rejiaun Sudeste Asiatiku.
Vise Primeiru-Ministru atualizasaun progresu tinan dahuluk nian dezde Timor-Leste sai membru plenu ASEAN iha 26 Outubru 2026.
Parte rua diskute esforsu kontinua husi Timor-Leste atu kompleta prosesu adezaun ba Akordu Ekonómiku ASEAN (AEAs), no oportunidade sira atu hametin kooperasaun no apoiu hodi implementa kompromisu sira-ne'e ho efetivu.
Aprezentasaun foka liu ba preparasaun no prontidaun Timor-Leste nian iha setór institusionál, ekonómika, infraestrutura, seguransa, no diplomátika hodi prepara an antesipa bainhira prezide ASEAN iha 2029.
