PM Xanana desloka ba Filipina hodi partisipa iha 49º Simeira ASEAN no Enkontru Relasionadu (49th ASEAN Summit and Related Summits)
PM Xanana desloka ba Filipina hodi partisipa iha 49º Simeira ASEAN no Enkontru Relasionadu (49th ASEAN Summit and Related Summits).
Dili, 13 Novembru 2026 – Ministru Transportes no Komunikasaun, Eng. Miguel Marques Gonçalves Manetelu hamutuk ho membru governu balu akompaña Primeiru-Ministru, Kay Rala Xanana Gusmão iha Aeroportu Internasional Prezidente Nicoalu Lobato ne’ebé atu hala’o viájen servisu bá Repúblika Filipina.
Primeiru-Ministru, Kay Rala Xanana Gusmão sei partisipa iha 49º Simeira ASEAN no Enkontru Relasionadu (49th ASEAN Summit and Related Summits), ne’ebé sei hala’o iha Manila, Repúblika Filipinas, hosi 11 to’o 18 Novembru 2026.
Iha enkontru rejionál ne’e, PM Xanana sei reprezenta Timor-Leste hodi hametin kooperasaun no promove interese nasionál hamutuk ho líder sira husi Estadu-Membru ASEAN, parseiru diálogu, no organizasaun internasionál.
Programa ofisiál Simeira ASEAN hahú ho enkontru preparatóriu iha nível funsionáriu seniór no ministru sira, molok kontinua ho enkontru nível Xefe Estadu no Xefe Governu nian.
Iha loron 15 fulan-Novembru, PM Xanana sei partisipa iha serimónia abertura Simeira ASEAN da-49, ne’ebé sei inklui aprezentasaun Akordu Kuadru ba Ekonomia Dijitál (Digital Economy Framework Agreement), inaugurasaun símbolu ASEAN ne’ebé atualiza ona, hasa’e bandeira ASEAN foun, no serimónia entrega ASEAN Prize.
