Komisaun E Marka Audíensia Públika Ho Ministériu Transporte No Komunikasaun Iha Sala Komisaun E Parlamentu Nasional.
Dili, 21 Outubru 2025 – Komisaun E Parlamentu Nasionál ne’ebé Trata Asuntu Infra-Estrutura marka audíensia ho Ministériu Transporte no Komunikasaun tersa ohin, hodi diskuti Projetu Proposta Lei no 23/VI/(3a).
Iha audíensia ne’e Deskuti ejekusaun OJE 2025 nomos rezolusaun husi Gabinete Primeiru Ministru no Prezidénsia Konsellu Ministru kona-ba karta sirakular atu taka Institútu Públiku haat no Empreza Públika ida iha Ministériu Transporte no Komunikasaun.
Ministru Transporte no Komunikasaun, Eng Miguel Marques Gonçalves Manetelu iha nia diskursu abertura hatete Politika Governu nia atu taka Institútu Públiku no Empreza Públika sira seidauk iha serteza.
“Los duni iha sirkular nebe f’o sai husi sua eselensia primeiru ministru reforma no reestruturasaun ba EP ho IP sira, total IP iha Ministériu Transporte no Komunikasaun hamutuk haat (4) mak hanesan TIC TIMOR, ANC.IP, AACTL.IP no APORTIL.IP no EP iha ida (1), mak ANATL-EP, Sirkular ne’ebé fó sai iha Gabinete Primeiru Ministru no Gabinete Presidensia Konsellu Ministru MTK maka ANATL-EP iha hanoin atu taka, TIC-TIMOR ho Aportil maibé too ohin loron rezolusaun ne’ebé mak atu taka ne’e, seidauk halo diskusaun iha konsellu ministru, tanba nemak ita seidauk hatene atu taka la taka ne’e ita seidauk hatene depois rezolusaun sai husi Konsellu Ministru kona-ba asuntu ne’e rezolusaun ne’e fo sai ona mak ita foin hare, maibé iha Komite Revizaun Orsamentu (KRO) kontinua aprova pedidu orsamentu ne’ebé sira hato’o no aloka ba kada ajénsia ida-idak nia”dehan Ministru Manetelu iha audíensia públika ho Komisaun E Parlamentu Nasionál.
Ministru Manetelu mós afirma ejekusaun OJE 2025 Ministériu Transporte no Komunikasaun nia ho pakote ida iha transferensia p’ublika ida ba ANATL-EP tanba nemak ANATL la aprezenta nia orsamentu ketak tanba nia osan hamutuk ho Ministériu iha transferénsia públika.
“Los duni iha tinan rua tutuir malu ha’u informa iha komisaun E bainhira bainhira hahú estabele ANATL-EP iha 2016 nomos APORTIL altura ne’eba funsionáriu sira nebe ba servisu iha entidade rua ne’e funsionariu públiku sira mak lisensa espesiál sem vensimentu ba reforsa iha ne’eba too ohin loron funsionariu permanente sira ne’ebé ba reforsa iha ajénsia sira tantu iha ANATL, APORTIL no AACTL sei kontinua servisu iha ne’eba”Ministru Manetelu afirma.
Governante ne’e hatete agóra mak Komisau Funsaun Públika hare hela oinsa maka ba oin ne’e sira tenki fila hotu mai servisu iha ministériu ka sei iha ne’eba. funsionáriu públiku sira ne’e maske sira hatama pedidu lisensa sem vensimentu maibé sira nia salariu kontinua aloka iha OJE tanba nemak Ministru Manetelu nia hanoin ejekusaun pagamentu ba saláriu la atinji sem porsentu ne’e laos foin agora.
“Ho razaun sira nemak destintu deputadu sira antes mai nemos rekrutamentu ba funsionáriu kontratadu sira barak atu taka fali ema sira ne’ebé mak ba servisu iha ajénsia sira tanba nemak ita rekruta termu sertu sira ne’e, hodi halo servisu sira ne’e, liu-liu ha’u ko’alia kona-ba kontestu MTK nia tanba nemak ita nia temu sertu ne’e sae makaas tanba atu taka fali sira ne’ebé reforma iha ajénsia sira ne’e hahú kedas funsionariu nebe iha lisensa espesial sem vensimentu” Ministru Manetelu esplika
Partisipa iha audíensia públika ne’e Xefe Gabinete Ministru José da Costa, Diretór Jerál Administrasaun no Finansas MTK, Aniceto Leto Soro, no Diretora Nasionais no kargu Xefia sira iha Ministériu Transporte no Komunikasaun, Prezidente ANATL-EP, Romualdo António Soares da Silva, ho estrutura, Prezidente ANC, Eng. Flávio Cardoso Neves ho estrutura, Prezidente APORTIL-IP José de Oliveira Leong ho estrutura, Diretór Exekutivu TIC-TIMOR, Venancio Pinto ho Estrutura, Prezidente AACTL-IP, Zezinho António Gusmão ho estrutura.
