Prezidente K.A ANATL-EP Romualdo António Soares Atualiza Progresu Servisu AIPNL Ba Ministru Manetelu
Dili, 10 Outubru 2025 – Ministru Transportes no Komunikasaun, Eng. Miguel Marques Gonçalves Manetelu realiza enkontru ho Prezidente K.A ANATL-EP Romualdo António Soares.
Iha enkontru ne’e Prezidente K.A ANATL-EP Romualdo António Soares akompaña husi Diretóra Unidade Estudu Planeamentu Infra-estrutura (UEPI), Eng. Antónia T. Corte-Real de Oliveira.
Objetivu husi enkontru Prezidente ANATL-EP atu atualiza progresu servisu implementasaun projetu iha AIPNL, liu-liu konaba servisu rehabilitasaun terminal existenti nian nomos atualiza partisipasaun ANATL iha Feira Inovasaun ICAO 2025 sei konvoka hosi Organizasaun Internasionál Aviasaun Sivíl (ICAO) hosi loron 21-22 Setembru 2025.
tema husi Feira Inovasaun ICAO nian iha tinan 2025 mak "Global Horizons: Inkluziva Inovasaun ba Aviasaun." Feira ne'e fó dalan ba reprezentante sira husi Estadu, organizasaun internasionál sira, indústria, setór privadu, akadémiku, organizasaun sosiedade sivíl sira, Nasoins Unidas no organizasaun naun-governamental sira (NGO) atu halo diskusaun substantivu kona-ba inovasaun iha aviasaun no oinsá kontribui hodi alkansa Objetivu sira husi Dezenvolvimentu Sustentavel Nasoins Unidas nian no, hanesan ne'e, hadi'a sosiedade iha jeral.
Prezidente ANATL mós sei hato’o relatoriu servisu ba Ministru iha tempu badak
