Kontratór Husi PT. Waskita Karya Halo Aprezentasaun " Dezeñu Baziku Pnlia Ba Ministru Manetelu
Dili, 09 Outubru 2025 – Ministru Transportes no Komunikasaun kinta ohin, realiza enkontru ho , Empreza Waskita Karya, Supervizaun Konsultór, IPMU ANATIL, no PMC.
Iha ekontru ne’e kontrator husi PT. Waskita Karya" halo aprezentasaun " dezeñu baziku Kona-ba progresu dezenvolvimentu no expansaun projetu Aeroportu Internasional Prezidente Nicolau Lobato Comoro Dili.
Dezenvolvimentu Dezeñu Detallu Bazeia ba Levantamentu Rai no Investigasaun Rai nian ne'ebé kompleta ona iha fulan Juñu Jullu & Agostu 2025, tuirmai ne'e bele ezekuta:
a) Validasaun ba Asumsaun Dezeñu Inisiál sira: Asumsaun dezeñu sira konfirma liuhosi atualizadu
levantamentu & estudu investigasaun rai, no dadus adisionál ne’ebé hetan liuhosi korespondénsia.
b) Integrasaun husi Dadus Ikus liu/Atualizadu iha Dezeñu Detallu: Inkorpora atualizadu/ikus liu
levantamentu topográfiku, batimétriku, no estudu investigativu sira (dadus investigasaun jeotékniku, dadus tráfiku, nsst.) iha dezeñu no planeamentu konstrusaun nian.
c) Optimizasaun: Optimizasaun ba estrutura Pavimentu nian iha ne'ebé de'it aplikavel no permitidu hosi Aneksu ICAO 14 & FAA.
Dezeña No Konstrui Projetu Ho Pakote Ida Inklui Estensaun Ba Pista Ne'ebé Eziste To'o Metru 2.100 Inklui Husi Área Seguransa Minimu iha Rohan Pista nian (RESA) ho Metru 90 Kada Sorin, No Konstrusaun Taxiway, Torre Kontrolu Tráfiku Aéreu
