Proposta lei no. 10/vi (1°) Rejime Jurídiku ba Garantias Mobiliárias. Pasa Iha Finál Globál
Dili, 17 Juñu 2025 – Ministru Transporte no Komunikasaun, Eng. Miguel Marques Gonçalves Manetelu, nu'udar interinu ba Vise Primeiru Ministru, Ministru Koordenadór ba Asuntu Ekonómiku no Ministru Turizmu no Ambiente, partisipa iha diskusaun Proposta lei no. 10/vi (1°) rejime Jurídiku ba garantias mobiliárias iha Parlamentu Nasional.
Proposta lei no. 10/vi (1°) rejime Jurídiku ba garantias mobiliárias. husi Vise Primeiru Ministru, Ministru Kordenadór ba Asuntu Ekonómiku no Ministru Turizmu no Ambiente pasa Iha Votasaun Finál Globál, deputadu/a sira maioria fó votus afavór 48, abstensaun 0 no kontra 0 ho nune’e Proposta lei no. 10/vi (1°) rejime Jurídiku ba garantias mobiliárias pasa.
Ministru Manetelu hato’o apresiasaun ba deputadu sira nia vontade tomak hodi fó votus afavór ba proposta lei refere.
“Hakarak fó apresiasaun ba destintu deputadu/a sira hotu, ba bankada parlamentares, liu-liu ba bankada opozisaun ne’ebé hatudu sentidu ne’ebé boot partisipa iha diskusaun iha komisaun espesialidade no ikus mai iha votasaun finál global maioria deputadu/a sira afavór, ita persija duni lei ida ne’e, tanba nemak ohin ha’u hare iha ne’e deputadu haat nulu resin walu vota afavór, lori Primeiru Vise Primeiru Ministru, Ministru Koordenadór ba Asuntu Ekonómiku no Ministru Turizmu no Ambiente nia naran nomos Lori governu da-sia nia naran hato’o apresiasaun" Ministru Manetelu hateten
