Governu Fó Apresiasaun Ba Empreza Tsuneishi Timor Shipbuilding, Ne’eb’e Sei Hari Estaleiru Iha Timor-Leste
Dili, 10 Juñu 2025 – Ministru Transporte no Komunikasaun Eng. Miguel Marques Gonçalves Manetrelu akompaña husi Embaixadór Japaun mai Timor-Leste KIMURA Tetsuya hamutuk ho Empreza Fábrika Ro, Tsuneishi Timor Shipbuilding, Unipessoal, Lda, atualiza Projetu Konstrusaun Ró ba Primeiru Ministru Kay Rala Xanana iha Palásiu Governu Dili.
Hafoin hasoru malu ho PM Xanana Embaixadór KIMURA Tetsuya ba jornalista sira hatete Empreza sei halo estaleiru iha Timor-Leste. empreza ne’e rasik loke ona nia eskritóriu iha Timor-Leste, oras ne’e dadauk hahú ona kontrata Timor-oan hamutuk haat nulu resin rua, tuir projetista dezeñadór hamutuk tolu nulu resin neen, metade husi funsionáriu sira ne’e, balu servisu ona iha tinan kotuk, sira servisu ona ba dezeñu ró nian, formandu nain sanulu hahú estajia iha kuartél jerál kompaña nia iha japaun.
Diplomata ne’e reafirma katak Ema nain neen nulu resin haat sei servisu iha kompaña refere, kona-ba projetu konstrusaun ró sei halo hela estúdu viabilidade hodi determina fatin ba projetu refere.
Embaixadór KIMURA Tetsuya informa katak Primeiru Ministru Kay Rla Xanana Gusmão apoiu projetu hirak ne’e, iha sorin seluk embaixadór japaun mai Timor-Leste KIMURA Tetsuya apresia ho apoiu husi Xefe Governu nia ba iha empreza ne’ebé mak iha vontade hakarak loke estaleiru iha Timor-Leste.
Iha sorin seluk Ministru Manetelu hatete Governu fó apresiasaun ba planu konstruksaun ró iha Timor-Leste, hanesan ministériu ne’ebé tutela pronto akompaña prosesu tomak too ba konstrusaun ne’e hahú.
Kompaña sei halo estudu viabilidade ba fatin estaleiru iha laelia, kompaña sei halo negosiasaun ho governu no ikus mak sei halo konstrusaun.
