DNIK reativa Kabu Fibra Ótika hodi halo preparasaun ba Transmisaun Direta RTTL.E.P ba Misa Preladus Bispo Nain Haat iha Altar Tasi Tolu
Dili, 31 Agostu 2026 - Ekipa tékniku hosi Direksaun Nasionál Infraestrutura Komunikasaun (DNIC), Ministériu Transportes no Komunikasoen (MTC), reativa koneksaun kabu fibra ótika hodi asegura rede intranet ne'ebé sei apoia transmisaun direta Rádio-Televisaun Timor-Leste. E.P. (RTTL.E.P) durante selebrasaun Misa Preladus Bispu Nain Haat iha Altar Tasi Tolu, Dili.
Servisu tékniku ne’e foka liu ba asegura estabilidade no kontinuidade koneksaun liña komunikasaun, liu-liu ba nesessidade transmisaun Direta iha kanal RTTL nomos media sosiál RTTL.EP nia.
Ekipa DNIC-MTC realiza verifikasaun no reativasaun ba infraestrutura fibra ótika ne’ebé liga ba rede komunikasaun iha área Altar Tasi Tolu. Prosesu ne’e inklui inspeksaun koneksaun, teste sinál no verifikasaun estabilidade rede atu minimiza posibilidade interrupsaun durante transmisãu ao vivo.
Apoiu tékniku ida-ne’e konsidera importante tebes presiza koneksaun intranet ne’ebé lais no apropriada atu garante kualidade transmisaun ne'ebé sei di’ak ho nune'e telespetadór sira rai laran no mos rai liur bele akompaña transmisaun direta liuhosi kanál RTTL.EP.
Liu hosi servisu ne’e, DNIC-MTC kontinua fó apoiu ba infraestrutura komunikasaun nasionál no kolabora ho instituisaun relevante sira, inklui RTTL EP, hodi asegura servisu komunikasaun dijitál bele funsiona ho di’ak durante eventu públiku no relijiozu importante sira.
Reativasaun fibra ótika iha Altar Tasi Tolu mos hatudu kompromisu ekipa téknika DNIC-MTC nian iha manutensaun no garantia disponibilidade infraestrutura komunikasaun, liuliu bainhira presiza apoiu rede ba transmisãn eventu importante governu nia iha Timor-Leste.
