Ministru Manetelu Asina Kontratu Servisu Supervizaun Konsultan Ba Expansaun No Dezenvolvimentu Aeroportu Internasional Prezidente Nicolau Lobato
Dili, 24 Jullu 2025 – Ministru Transporte no Komunikasaun, Eng. Miguel Marques Gonçalves Manetelu asina kontratu servisu ho Lee Hee Joon nu’udar reprezentante Autorizadu husi Kompaña Yooshin Engineering Corporation ho JV Donsung Engineering, Co.Ltd, no Ilshin Engineering and Consultants, Co., Ltd no Keunjong Architects & Engineers Co., Ltd no sub-consultant ho Markim Timkor Lda no Jenetbi Gumer Unipesoal Lda, nu’udar Konsultan supervizaun ba Dezenvolvimentu no Expansaun Aeroportu Internasional Prezidente Nicolau Lobato.
Supervizaun Konsultan refere, sei superviziona espesífikamente servisu ne’ebé sei presta husi Waskita Karya (Persero), Tbk ba komponente sira hanesan runway, taxiway, apron no mos tore kontrolu Traficu (ATCT) ba Aereoportu International Prezidente Nicolau Lobato.
Haktuir ba responsabilidade kontratuál nian, mak hahú husi loron 14 sura husi loron ne’ebé asina kontratu, Konsultan supervizaun sei mobiliza enjineiru no espesialista save sira hodi hahú halo supervizaun ba servisu inisiál Waskita nian, liu-liu ba dezeñu báziku no dezeñu detailladu ba porsaun ne’ebé Waskita Karya mak sei presta.
Ho asinatura kontratu ba superviazun Konsulta nian, mak konklui ona prosesu ida ba faze inisiu husi komponentes Airside (expansaun pista, taxiway, apron no ATCT).
