Ministériu Transporte no Komunikasaun Halo Aprezentasaun sirkulár ba Preparasaun 2026 no Fahe Tetu ba Gabinete no Diresaun Sira
Dili, 11 Jullu 2025 – Ministru Transporte no Komunikasaun, Eng. Miguel Marques Gonçalves Manetelu sexta ohin lidera enkontru aprezentasaun sirkulár ba preparasaun 2026 no fahe tetu ba gabinete no diresaun sira.
Ajenda diskusaun ba ohin loron nia diskuti prioridade nasional 2026, informasaun xave, kritéria ba kalkulasaun, kritéria determinasaun desagregasaun OJE 2026, prioridade alokasaun orsamentu, orsamentu iha planu rekursu, orsamentál sensivél, forsa traballu, rejsitu espesiál ba projetu kapitál dezenvolvimentu, komparasaun tetu orsamentu inisiál 2025 – 2026, distribuisaun pakote ba gabinete no diresaun sira iha Ministériu, no pedidu orsamentu adisionál 2026.
objetivu husi aprezentasaun ne’e, atu kumpri lejislasaun ne’ebé vigór kona-ba preparasaun no elaborasaun orsamentál.
Ho prioridade ne’ebé mak Ministériu rasik prepara tuir prioridade, polítika estratéjia dezenvolvimentu PED 2011-2030 no programa governu konstitusional da-sia nia. Tuir padraun no Pratika di’ak ne’ebé rekoñese internasional hodi garante kredibilidade no kualidade orsamentu.
