Ministru Manetelu Husu Ba Direjente Sira Iha Administrasaun Direta No Indireta Sira Kontinua Hatudu Prestasaun Servisu Ho Diak
Dili, 02 Fevereiru 2026 – Ministériu Transportes no Komunikasaun Segunda ohin realiza serimónia isár bandeira nasional iha resintu edifisiu MTK Kaikoli Dili. Isár bandeira semana da-huluk fulan ne’e responsabiliza hosi APORTIL.IP.
Ministru Transportes no Komunikasaun, Eng. Miguel Marques Gonçalves Manetelu mak sai hanesan Inspetór ba serimónia bandeira nasional Segunda ohin.
Ministru Manetelu iha nia diskursu enkoraja dirijente sira iha administrasaun direta no indireta atu kontinua halo kordenasaun servisu ho di’ak ba interese servisu estadu nia.
“Realidade hatudu relatóriu tribunal das kontas hatudu ejekusaun MTK nia hatudu rezultadu ne’ebé diak tanba prosesu ejekusaun sira tuir lei ho ida nemak ita orgullu tanba imi hotu nia esforsu, konta jerál estadu 2025 ita sei ba hatan iha 2027, ita espera labele iha tinta mean fali. Tanba nemak ha’u hakarak enkoraja diretór jerais sira, inspetór jerál, inspetór sira hotu, prezidente no diretór ezekutivu husi administrasaun indireta estadu nia servisu ho di’ak, mantein kordenasaun ho di’ak ita lahalo buat barak maibé oituan-oituna ita kontribui implementa programa governu da-sia nia hodi atinji metas sira ne’ebé hatur ona iha PED 2011-30” dehan Ministru Manetelu iha nia diskursu iha serimónia isár bandeira nasional iha resintu edifisiu kaikoli Dili.
Isár bandeira ne’e partisipa husi Prezidente, APORTIL, Prezidente ANATL, DJTC, DGAF,DE TIC TIMOR, Diretór nasional, kargu Xefia sira iha Ministériu no funsionáriu sira.
