Governu lansa trial sistema Kabu Sub-Mariñu Fibra Otika ba operadór telekomunikasaun tolu.
Dili, 01 Fevereiru 2026 – Ministru Transportes no Komunikasaun, Eng. Miguel Marques Gonçalves Manetelu, atúal Prezidente Konsellu Jerál Kabu Timor-Leste (CTL-EP) akompaña husi Ministru Planeamentu Investimentu no Estratéjiku, Gastão Sousa lansa Trial Sistema Kabu Sub-mariñu Fibra Otika ba operadór telekomunikasaun tolu hanesan; Timor-Telekom, Telkomcel no Telemor. Lansamentu ne’e halao iha CTL Bebonuk Dili.
Iha nia entrevista Ministru Manetelu husu ba operadór tolu hanesan Timor Telekom, Telkomsel, no Telemor atu fórnese internet masimu ba públiku, hodi nune’e públiku bele sente internet ho velosidade lais.
"Durante periodu trail banda larga ne’ebé CTL-EP fó ba operadór sira ne’e gratuita, tanba ita halo teste, ita husu sira fó sai masimu ba públiku hodi nune’e públiku bele sente katak ida fibra optika ne’e nia velosidade lais duni. Ita kuandu koalia kustu baratu kuandu ita ba merkadu konserteza CTL sei faan ba merkadu sei menus liu husi stralink nia” Ministru husu.
Governante nemos subiña Iha trail ne’e CTL EP sosa iha Vocus ho gigabit 10, ita la hola barak, bainhira tama ba iha merkadu depende ba nesesidade merkadu, Timor Telekom, Telkomsel no Telemor hakarak hola hira no ISP sira hakarak hola hira, husi ne’eba maka CTL sosa ba iha Vocus Australia tuir nesesidade.
