DNTT Halo Pasa Revista Ba Funsionáriu MTK Ne’ebé Kondúz Veikulu No Motorizada
Dili, 18 Dezembru 2025 – Diresaun Nasional Transportes no Terrrestres, kinta ohin halo pasa revista ba transporte privadu, públiku inklui Kareta estadu iha ministériu transportes no komunikasaun Kaikoli Dili.
Iha pasa revista ne’e funsionáriu MTK ne’ebé la lori dokumentu sira hanesan karta kondusaun, inspesaun no Librete DNTT lori Evidénsia hirak ne’e mai iha DNTT Balide no kontinua aplika Multa hodi ba selu koimas iha Banku BNCTL Sukursal DNTT Balide.
Iha pasa revista ne’e DNTT asegura evidensia sira hanesan prende kareta 6, motorizada 7 nomos dokumentu motorizada la kompletu hamutuk 32 (tolu nulu resin rua).
Pasa revista ne'e hanesan jestu ida atu hatudu exemplu ida nu'udar Ministériu ne'ebé toma konta ba iha transportes no komunikasaun, hodi hatudu katak regra ne'e tenki kumpri hahú husi uma laran mak sai ba liur.
DNTT husu ba komunidade sira ne'ebé mak halao movimentu iha kapitál Dili, no mós munisípiu atu kumpri regras hodi lori dokumentus kompletu hodi nune'e labele prejudika movimentu iha kapitál Dili no munisípiu sira.
