MTK Ho EDTL-EP Halo Enkontru Kordenasaun Institusionál Kona-Ba Statutu Liña Fibra Ótika
Dilì, 09 Dezembru 2025- Ministru Transportes no Komunikasaun, Eng. Miguel Marques Gonçalves Manetelu simu audíensia husi Komisaun Ezekutiva EDTL-EP tersa ne’e iha Gabinete Ministru Kaikoli Dili.
Iha enkontru ne’e Ministru Manetelu akompaña husi Xefe Departamentu Kabalajen no Infraestrutura -DNIK, Joao paulo, no Xefe Departementu Apoiu Sektretariadu DNIK, Pedro Amaral.
Iha sorin seluk Membru Komisaun Ezekutiva, Eletrisidade Timor-Leste, Empresa Pública (EDTL-E.P), liu-husi Komisáriu Ezekutivu Serbisu Tékniku, Eng. Roberto Manuel Marçal hamutuk ho Komisáriu Ezekutivu Serbisu Korporativu, Júlio de Jesus Gonçalves akompaña husi Diretòr Tranmisaun, Diretòr Finansas e Komersiàl , inklui xefi unidade reseitas no xefi divizaun TIK.
Sorumutu ne’e ho objetivu atu halo kordenasaun institusionál entre EDTL, E.P no MTK liuhosi, Diresaun Nasional Infraestrutura Komunikasaun (DNIK) kona-ba Statutu liña Fibra Ótika. hodi defini legalidade kona-ba proprietáriu formál no entidade responsável ba jestaun liña Fibra Ótika. alende neʾe kria modelu finansamentu justu no transparente ba kustu manutensaun, tanba EDTL, E.P mak halo manutensaun práktiku iha terrenu.
EDTL, E.P konsidera oportunidade atu iha futuru hetan reseitas husi arendamentu kores Fibra Ótika atu suporta kustu operasional. Bainhira arendamentu nafatin rekolle husi MTK liuhosi Diresaun Nasional Infraestrutura Komunikasaun (DNIK), EDTL, E.P solisita koordenasaun no apoiu orsamentál hodi garante sustentabilidade servisu.
